Jeŭrasajuz pryznaŭ Rasiju afšoram
Jeŭrasajuz abnaviŭ tak zvany šery śpis padatkovych jurysdykcyj. U jaho dadali Rasiju, Brytanskija Virhinskija astravy, Maršałavy astravy i Kosta-Ryku, havorycca ŭ paviedamleńni Rady Jeŭrasajuza.
14.02.2023 / 17:47
Traplańnie krain i terytoryj u šery śpis JeS aznačaje, što jany nie supracoŭničajuć z padatkovymi orhanami jeŭrapiejskich krain.
Adnosna ŭklučeńnia ŭ śpis Rasii Rada JeS rastłumačyła, što dyjałoh ź joj pa pytańniach, źviazanych z padatkaabkładańniem, zajšoŭ u tupik u suviazi z vajennymi dziejańniami va Ukrainie.
Takim čynam, u jeŭrapiejskim śpisie afšoraŭ stała 16 jurysdykcyj:
- Amierykanskaje Samoa;
- vostraŭ Anhilja;
- Bahamskija astravy;
- Brytanskija Virhinskija astravy;
- Kosta-Ryka;
- Fidžy;
- vostraŭ Huam;
- Maršałavy astravy;
- Pałau;
- Panama;
- Rasija;
- Samoa;
- Trynidad i Tabaha;
- Astravy Ciorks i Kajkas;
- Amierykanskija Virhinskija astravy;
- Vanuatu.