Алейнік і Сіярта падпісалі праграму супрацоўніцтва на 2023 год
Міністэрства замежных спраў Беларусі і Міністэрства замежных спраў і знешняга гандлю Венгрыі падпісалі праграму супрацоўніцтва на 2023 год па выніках перамоў паміж кіраўнікамі ведамстваў Сяргеем Алейнікам і Петэрам Сіярта ў Мінску, паведамляе БелТА.
13.02.2023 / 17:12
Праграма прадугледжвае працяг практыкі правядзення міжмідаўскага дыялогу, комплекс мер па стымуляванні эканамічнага супрацоўніцтва, адукацыйных і культурных абменаў.
«Сёння мы сутыкаемся з новымі выклікамі часу. У нас вельмі вузкі калідор магчымасцяў у плане супрацоўніцтва. Але мы павінны рабіць усё магчымае для супрацоўніцтва на карысць нашых краін», — заявіў Сіярта.
Таксама кіраўнік вугорскага МЗС падкрэсліў, што Венгрыя выступае за больш хуткае ўсталяванне міру ў рэгіёне і адзначыў, што без перамоў міру ва Украіне не будзе.