Źjaviłasia mahčymaść prybirać svaich byłych z sumiesnych fatahrafij
U fotaredaktar Picsart dadali instrumient AI Replace My Ex, jaki dapamoža pazbavicca ad niepažadanych ludziej na vašych zdymkach.
03.02.2023 / 20:38
Fota: piscart
Kamanda raspracoŭščykaŭ Picsart, płatformy dla redahavańnia fota i videa, vypuściła dla svajho dadatku novy instrumient AI Replace My Ex.
Jon pry dapamozie niejrasietak moža prybirać i zamianiać byłoha chłopca ci byłuju dziaŭčynu na sumiesnych fatahrafijach.
«Znajomaja historyja: u vas jość fota, na jakim vy vyhladajecie vielmi miła, ale jano sapsavanaje prysutnaściu kahości, kaho bolš niama ŭ vašym žyćci. Vy b chacieli nie bačyć i nie dumać pra jaho, i ciapier dla hetaha nieabaviazkova vydalać sotni i tysiačy sumiesnych fota. U Picsart jość vielmi prostaje i cikavaje rašeńnie», — paviedamlajuć raspracoŭščyki prahramy.
AI Replace My Ex dazvalaje bieź jakich-niebudź dyzajnierskich navykaŭ za niekalki siekund zamianiać byłych kachanych na lubyja inšyja abjekty: bahiet, ściah, źmiaiu, sabaku i mnohaje inšaje.
Dla hetaha treba prosta vybrać u dadatku instrumient i abvieści čałavieka pendźlem na luboj sumiesnaj fatahrafii, a zatym napisać, na kaho ci na što jaho zamianić.
Na žal, funkcyja zamieny ŭ Picsart na hety momant dastupnaja tolki dla iOS.