Rasijskija telehram-kanały: USU ŭdaryli rakietaj pa naftapravodzie «Družba» ŭ Branskaj vobłaści
Pa infarmacyi Mash, rakieta, jakaja, jak śćviardžajecca, była vypuščanaja z kompleksu «Kropka-U», upała pobač z naftapierapampovačnaj stancyjaj Navazybkaŭ.
01.02.2023 / 14:55
Paviedamlajecca, što na miescy padzieńnia ŭźnikła varonka dyjamietram 20 mietraŭ. Sama stancyja paškodžanaja niaznačna: tam niama elektryčnaści. Ciaham hoda praź jaje prachodzić bolš za 33 młn ton nafty — tranzitam praź Biełaruś u Jeŭropu, u abychod Ukrainy.
Paviedamlajecca, što paciarpiełych u vyniku ataki niama.
Učora vydańnie «Fłahštok» paviedamlała sa spasyłkaj na publikacyi ŭ sacsietkach pra mocny vybuch u rajonie Navazybkava. Tady śćviardžałasia, što nibyta spracavała SPA.