Zatrymali jašče adnu dziaŭčynu, jakuju vinavaciać u pieradačy źviestak u ČKB
Siońnia HUBAZiK raskazaŭ pra jašče adnu dziaŭčynu, jakaja, byccam by, pieradavała niejkija źviestki ŭ «Čornuju knihu Biełarusi» i kanału NEXTA.
31.01.2023 / 17:51
Dziaŭčynu kličuć Anastasija Ivanova (u dziavoctvie — Dabravolskaja). Joj 32 hady, jana z Mahilova. Pracuje ŭ śfiery SMM, zajmajecca arhanizacyjaj viasiellaŭ.
U videa siłaviki pakazvajuć pierapisku byccam by z akaŭnta dziaŭčyny z botami (nie vydalenuju). Tam jana nibyta paviedamlaje ŭ «Čornuju knihu Biełarusi» pra fakt «palityčnaha» štrafu, prysudžanaha jaje mužu, i skidvaje ŭ bot «Niechty» svajo ŭłasnaje fota ź niejkaj padziei.
Nieviadoma, ci sapraŭdnaja hetaja pierapiska i čamu zatrymali mienavita hetuju dziaŭčynu — vypadkova ci praz uciečku danych.