Na ekranach Ermitaža źjaviłasia paviedamleńnie pra Buču. Uzłomščykaŭ šukajuć
Nieviadomyja ŭzłamali sistemu elektronnych tabło ŭ Ermitažy kala 16 hadzin 29 studzienia i vyvieli na ekrany muzieja infarmacyju pra padziei va ŭkrainskaj Bučy padčas rasijskaj akupacyi viasnoj 2022 hoda. Jakija kankretna detali byli pakazanyja na ekranach, nie ŭdakładniajecca.
31.01.2023 / 15:34
Supracoŭniki muzieja ŭ Sankt-Pieciarburhu źviarnulisia ŭ palicyju ŭviečary ŭ toj ža dzień. Uzłomščykaŭ šukajuć, a Śledčy kamitet Rasii vyrašaje, jak kvalifikavać incydent. Što było na ekranach, nie ŭdakładniajecca.
U kancy lutaha minułaha hoda, na pačatku ŭvarvańnia, rasijskija vojski akupavali Buču ŭ Kijeŭskaj vobłaści. Paśla vyzvaleńnia ŭ horadzie i bližejšych vioskach byli vyjaŭlenyja masavyja pachavańni. Tolki ŭ adnoj Bučy znajšli cieły 458 zahinułych, u tym liku 9 dziaciej.