Žančyna ź Viciebščyny, jakaja niadaŭna zahubiła novanarodžanaje dzicia, trapiła pad amnistyju
21 žniŭnia minułaha hoda ŭ adnoj ź viosak Viciebskaha rajona 39-hadovaja pjanaja miascovaja žycharka pajšła ŭ prybiralniu i naradziła tam dzicia. Dzicia ŭpała ŭ jamu i tam zachłynułasia, a žančyna nie stała jaho dastavać. Niadaŭna jaje sudzili, pišuć «Narodnyja naviny Viciebska».
30.01.2023 / 22:27
Fota: Śledčy kamitet
11 studzienia sud Viciebskaha rajona pryznaŭ viaskoŭku vinavataj u pryčynieńni śmierci pa nieaściarožnaści.
Na padstavie častki 1 artykuła 144 KK žančynu asudzili da dvuch z pałovaj hadoŭ pazbaŭleńnia voli ŭ papraŭčaj kałonii va ŭmovach pasialeńnia. Taksama jaje prymusova buduć lačyć ad ałkahalizmu.
A na padstavie niadaŭniaha zakona ab amnistyi joj pamienšać termin adbyćcia pakarańnia na adzin hod.