U Pakistanie 40 čałaviek zahinuli pry padzieńni aŭtobusa ŭ prorvu
U Pakistanie 40 čałaviek zahinuli pry padzieńni aŭtobusa ŭ prorvu, piša Sky News. Incydent adbyŭsia ŭ Łaśbiele, hornym rajonie na poŭdni krainy. U aŭtobusie znachodzilisia 44 pasažyry.
29.01.2023 / 19:10
Fota: AP Photo/Muhammad Saleem
Jak paviedamiŭ pamočnik kamisara Łaśbieły Chamza Anžum Nadzim, dastali cieły 40 čałaviek, u tym liku žančyn i dziaciej, a čaćviora paranienych pasažyraŭ vyratavanyja.
Pavodle jahonych słoŭ, avaryja adbyłasia z-za pieravyšeńnia chutkaści. Aŭtobus urezaŭsia ŭ aporu mosta i zahareŭsia nieŭzabavie paśla padzieńnia ŭ prorvu.
Aficer dadaŭ, što cieły zahinułych abhareli da niepaznavalnaści i byli dastaŭleny ŭ horad Karačy dla praviadzieńnia analizu DNK. Paśla identyfikacyi jany buduć pieradadzienyja svajakam.