Amierykanski hienierał zaklikaŭ padnačalenych rychtavacca da vajny z Kitajem u 2025 hodzie
Kiraŭnik kamandavańnia pavietranych pierakidak, hienierał vajenna-pavietranych sił ZŠA Majk Minichan zajaviŭ, što vajna pamiž Kitajem i ZŠA z-za Tajvania moža pačacca ŭ 2025 hodzie. Pra heta jon napisaŭ u słužbovaj zapiscy, nakiravanaj padnačalenym, paviedamlaje NBC News.
28.01.2023 / 11:48
«Spadziavajusia, ja pamylajusia. Intuicyja padkazvaje mnie, što vajavać daviadziecca ŭ 2025 hodzie», — skazana ŭ paviedamleńni hienierała. Majk Minichan adznačyŭ, što ŭ 2024 hodzie i ŭ ZŠA, i na Tajvani projduć prezidenckija vybary, i staršynia KNR Si Czińpin moža skarystacca hetym, kab pasprabavać zachapić Tajvań.
Kamandujučy daručyŭ aficeram da 28 lutaha dałažyć ab usich bujnych mierapryjemstvach, źviazanych z padrychtoŭkaj da bitvy z Kitajem. Taksama aficeram zahadali ŭ sakaviku «razhledzieć svaje pryvatnyja spravy» i vyrašyć jurydyčnyja pytańni.
Pradstaŭnik kamandavańnia pavietranych pierakidak pacvierdziŭ sapraŭdnaść adpraŭlenaj słužbovaj zapiski. Jon adznačyŭ, što zahady hienierała zasnavanyja na namahańniach, jakija pravodzilisia jašče ŭ 2022 hodzie dla padrychtoŭki «da budučaha kanfliktu, kali strymlivańnie nie spracuje».
Pradstaŭnik ministerstva abarony ZŠA, u svaju čarhu, zajaviŭ, što kamientaryi Majka Minichana «nie adlustroŭvajuć punkt hledžańnia ministerstva na Kitaj», a Pientahon imkniecca zachavać Inda-Cichaakijanski rehijon «mirnym, svabodnym i adkrytym».