U Hiermanii zatrymali niemca za špijanaž na karyść Rasii
Hramadzianina Hiermanii aryštavali pa padazreńni ŭ dziaržzdradzie i pieradačy sakretnaj infarmacyi Kramlu.
28.01.2023 / 08:43
Fota: pixabay
Artur E. byŭ aryštavany pry dapamozie FBR 22 studzienia ŭ aeraporcie Miunchiena, kudy viarnuŭsia paśla svajoj pajezdki ŭ ZŠA. Miarkujecca, što jon byŭ źviazany ź jašče adnym hramadzianinam Hiermanii Karstenam Ł., byłym supracoŭnikam niamieckaj Słužby źniešniaj raźviedki (BND), jaki byŭ aryštavany jašče ŭ śniežni.
«Artur E. moh pieradavać infarmacyju, zdabytuju Karstenam, u Kreml», — piša ahienctva BBC.
Nahadajem, Karsten Ł. byŭ pryznany vinavatym u pieradačy sakretnych dakumientaŭ rasijskaj raźviedcy i pryhavorany da 8 hadoŭ pazbaŭleńnia voli.
Padobnyja aryšty adbyvajucca na fonie pavyšanaj pilnaści ŭ Jeŭropie paśla ŭvarvańnia Rasii va Ukrainu.