U Polščy admianiajuć «kavidnyja pałažeńni», jakija dazvalali mnohim biełarusam vyrašać pytańni lehalizacyi
25 studzienia prezident Polščy Andžej Duda padpisaŭ zakon ab uniasieńni źmienaŭ u zakon ab dapamozie hramadzianam Ukrainy ŭ suviazi z uzbrojenym kanfliktam na terytoryi hetaj krainy i niekatoryja inšyja akty. Zusim niečakana novy akt praduhledžvaje admienu pałažeńniaŭ t. zv. «antykavidnaha ščyta» — pravił, jakija siarod inšaha pradaŭžajuć termin dziejańnia viz i inšych dakumientaŭ inšaziemcaŭ, paviedamlaje Centr biełaruskaj salidarnaści.
26.01.2023 / 21:39
24 žniŭnia 2023 hoda traciać siłu pałažeńni «antykavidnaha zakona». I hetyja źmieny tyčacca ŭsich zamiežnikaŭ, a nie tolki hramadzian Ukrainy.
Pałažeńni, jakija buduć admienieny z 24 žniŭnia 2023 hoda:
- pradaŭžeńnie terminu padačy zajavak na pradstaŭleńnie inšaziemcam dazvołaŭ na žycharstva;
- pradaŭžeńnie terminu dziejańnia dazvołaŭ na žycharstva;
- pradaŭžeńnie terminu dziejańnia časovych paśviedčańniaŭ asoby inšaziemca (TZTC), vydanych padčas pracedury pradstaŭleńnia mižnarodnaj abarony;
- pradaŭžeńnie terminu dziejańnia nacyjanalnych viz i dazvołaŭ na časovaje pražyvańnie;
- pradaŭžeńnie terminu vyjezdu inšaziemca z terytoryi Polščy.
Na praktycy heta aznačaje, što kali termin dziejańnia dakumientaŭ inšaziemca skončyŭsia, ale byŭ pradoŭžany dziakujučy «kavidnym pałažeńniam», to biełarusam, jakija z hetaha karystalisia, treba ŭžo ciapier rabić kroki pa lehalizacyi dalejšaha znachodžańnia ŭ Polščy.