Słavaki prabajkatavali refierendum, inicyjavany prarasijskimi partyjami
U Słavakii ŭ subotu biezvynikova zaviaršyŭsia ahulnanacyjanalny refierendum ab uniasieńni papravak u Kanstytucyju krainy, jakija pavinny byli palehčyć praviadzieńnie daterminovych parłamienckich vybaraŭ. Refierendum inicyjavali apazicyjnyja partyi, jakija ich apanienty nazyvajuć prarasijskimi z-za ich pazicyi adnosna vajny va Ukrainie, piša «Radyjo Svaboda».
22.01.2023 / 16:36
Fota ilustracyjnaje
Refierendum byŭ pryznany niesapraŭdnym, bo ŭ im uziali ŭdzieł tolki krychu bolš za čverć usich vybarščykaŭ, jakija majuć prava hołasu. Dla taho ž, kab refierendum adbyŭsia, nieabchodnaja prysutnaść jak minimum pałovy zarehistravanych vybarščykaŭ.
Bolš za 97% tych, chto pryjšoŭ na ŭčastki, hałasavali za papraŭki — vidavočna, havorka idzie pra prychilnikaŭ apazicyi. Tyja ž, chto padtrymlivaje ŭradavuju kaalicyju, zastalisia doma.
Minułaj vosieńniu ŭrad Słavakii, jaki aktyŭna padtrymlivaje Ukrainu ŭ vajnie z Rasijaj, atrymaŭ votum niedavierja ŭ parłamiencie. Novuju kaalicyju sfarmiravać nie ŭdałosia. Adnak, u adroźnieńnie ad mnohich inšych krain, Kanstytucyja Słavakii nie praduhledžvaje ŭ takim vypadku mahčymaści daterminovych vybaraŭ — parłamient pavinien usio adno dapracavać da zakančeńnia čatyrochhadovaha terminu, na jaki jon abrany, heta značyć da 2024 hoda.