Міністр замежных спраў Ірана: Мы не прызнаём анексію Крыма і іншых рэгіёнаў Украіны
Міністр замежных спраў Ірана Хасейн Амір Абдалахіян у інтэрв'ю турэцкаму тэлеканалу TRT World выразна акрэсліў пазіцыю Ірана ў дачыненні да магчымасці прызнання анексаваных Расіяй тэрыторый Украіны, перадае «Свабода».
19.01.2023 / 18:57
Хасейн Амір Абдалахіян
«Мы прызнаём суверэнітэт і тэрытарыяльную цэласнасць краін у рамках міжнародных законаў, таму, нягледзячы на выдатныя адносіны паміж Тэгеранам і Масквой, мы не прызналі аддзяленне Крыма, Луганскай і Данецкай абласцей ад Украіны», — заявіў Абдалахіян.
Ён таксама сказаў, што ўлады Ірана настойваюць на сваім «паслядоўным прынцыпе» ў знешняй палітыцы.
«Калі мы кажам, што канфлікт ва Украіне — гэта не рашэнне, мы верым у сваю пазіцыю як у фундаментальны палітычны прынцып», — дадаў міністр.