Колькасць загінулых у выніку выбуху гранаты ў Белгарадскай вобласці вырасла да сямі чалавек
Колькасць загінулых у выніку выбуху гранаты ў Белгарадскай вобласці вырасла да сямі чалавек. Раней паведамлялася пра тры ахвяры.
17.01.2023 / 11:10
Мабілізаваныя расіяне. Фота: AP
Выбух адбыўся ў нядзелю ў будынку сельскага Дома культуры, дзе размяшчаліся расійскія вайскоўцы. Па папярэдніх даных, адзін з вайскоўцаў падарваў гранату РГД-5.
З-за выбуху ў будынку здэтанавалі боепрыпасы і пачаўся пажар. Яго патушылі пажарныя, якія прыехалі. У нядзелю паведамлялася, што загінула трое вайскоўцаў, яшчэ 16 пацярпелі, 8 зніклі без вестак.