Palitźniavoleny błohier sa Słucka Uładzimir Niaronski — na voli
Palitźniavoleny aŭtar YouTube-kanała «Słuck dla žyćcia» Uładzimir Niaronski byŭ zatrymany 8 maja 2020 hoda. Jon utrymlivaŭsia za kratami 2 hady 8 miesiacaŭ i 6 dzion, paviedamlajuć pravaabaroncy.
17.01.2023 / 10:34
Sud Łahojskaha rajona 2 lutaha 2021 hoda asudziŭ palitviaźnia da troch hadoŭ kałonii. Sud pryznaŭ Niaronskaha vinavatym pa dvuch artykułach Kryminalnaha kodeksa: art. 369 i č. 1 art. 342.
Palitviaźnia abvinavacili ŭ zaklikach u svaich rolikach na kanale «Słuck dla žyćcia» da dziejańniaŭ, jakija hruba parušajuć hramadski paradak, u Słucku, Mazyry, Breście, Babrujsku, Mahilovie.
Sud pryznaŭ, što rabiŭ jon heta ŭ zmovie z błohieram Siarhiejem Cichanoŭskim i palitykam Mikałajem Statkievičam. Taksama Niaronski byŭ pryznany vinavatym u publičnaj abrazie ŭ jaho roliku na jutub-kanale staršyni Słuckaha rajvykankama Andreja Jančeŭskaha.
Uładzimir adbyvaŭ termin u mahiloŭskaj kałonii № 15, adkul vyjšaŭ na volu 14 studzienia.