Daniecki «Šachcior» pradaŭ futbalista ŭ «Čełsi» za rekordnyja hrošy
22-hadovy Michaił Mudryk pierajšoŭ z ukrainskaha kłuba ŭ anhlijski za $100 młn. Uładalnik «Šachciora» Rynat Achmietaŭ u svajoj zajavie z nahody tranśfiera skazaŭ, što vyłučaje na dapamohu abaroncam Maryupala i ich siemjam 1 miljard hryvień (25 młn dalaraŭ).
16.01.2023 / 18:51
Kantrakt Mudryka z «Čełsi» raźličany na vosiem z pałovaj hadoŭ. Jon staŭ samym darahim ukrainskim futbalistam, abahnaŭšy lehiendarnaha Andreja Šaŭčenku, jaki taksama hulaŭ za kłub z Łondana.
Raniej Achmietaŭ apłaciŭ apieracyju ŭ ZŠA abaroncu «Azoŭstali» Michaiłu Dzijanavu. Heta dazvoliła vajskoŭcu adpravić na dabračynnaść hrošy, jakija jamu sabrali na lačeńnie.