Na volu vyjšaŭ palitviazień Alaksandr Byčkoŭski
Z 3 lipienia 2021 hoda Alaksandr Byčkoŭski adbyvaŭ termin u kruhlanskaj PUAT-46. Niadaŭna jon vyjšaŭ na volu, adbyŭšy ŭ źniavoleńni paŭtara hoda, paviedamlaje «Viasna».
15.01.2023 / 19:43
Alaksandr Byčkoŭski — žychar Jelska, asudžany na hod i šeść miesiacaŭ abmiežavańnia voli z nakiravańniem u papraŭčuju ŭstanovu adkrytaha typu («chimija»). Jaho pryznali vinavatym u abrazie pradstaŭnika ŭłady (art. 369 KK). Pavodle materyjałaŭ spravy, mužčyna emacyjna vykazaŭ svajo mierkavańnie pra kiraŭnika Dziaržynskaha RAUSa Minskaj vobłaści Jaŭhiena Žylinskaha pad adnym z pastoŭ u «Adnakłaśnikach».