Minadukacyi: Budzie skaračacca kolkaść płatnych miescaŭ u VNU
Načalnik Hałoŭnaha ŭpraŭleńnia prafiesijnaj adukacyi Ministerstva adukacyi Siarhiej Kaśpiarovič raskazaŭ, jak sioleta źmieniacca ličby pryjomu na biudžetnuju i płatnuju formy navučańnia ŭ biełaruskich VNU.
15.01.2023 / 16:47
Fota: BiełTA
«My płanujem sioleta biudžetnyja ličby pryjomu nie skaračać. Tak, budzie karekciroŭka płanavych ličbaŭ u bok pavieličeńnia pryjomu dzieści ŭ rehijanalnych VNU, dzieści pavialičym i ŭ staličnych na zapatrabavanyja śpiecyjalnaści: miedycynskija, piedahahičnyja i hetak dalej. Ale ŭ cełym biudžetnyja ličby zachavajucca», — skazaŭ jon.
Płanujecca zatoje skaracić va ŭniviersitetach kolkaść płatnych miescaŭ.
«Tamu što tyja vyniki analizu, jakija my majem za minułyja hady, śviedčyli pra toje, što i tak płany pryjomu na płatnyja formy nie vykonvalisia. Heta značyć, peŭnaja karekciroŭka budzie», — adznačyŭ Kaśpiarovič.
Pavodle jaho słoŭ, novaja madel praviłaŭ pryjomu dazvalaje farmiravać «nieabchodnaje razumieńnie», što vyšejšaja adukacyja — heta nie dla ŭsich.
«Vyšejšaja adukacyja — heta konkurs, heta surjozny adbor. Tyja, chto pryniaŭ rašeńnie pastupać u VNU, pavinny ŭśviedamlać heta i być hatovymi da hetaha. Taksama ŭsie pavinny razumieć, što ekanomicy patrebnyja i rabočyja kadry, patrebnyja śpiecyjalisty siaredniaha źviana, siaredniaj śpiecyjalnaj adukacyi», — dadaŭ pradstaŭnik Minadukacyi.