Anharski mańjak, jaki zabiŭ bolš za 80 žančyn, paprasiŭsia vajavać va Ukrainie
Michaił Papkoŭ — były milicyjant, jaki zabiŭ bolš za 80 žančyn. U intervju dziaržaŭnamu irkuckamu telebačańniu jon zajaviŭ, što choča pajechać vajavać.
15.01.2023 / 12:19
Skrynšot videa
Apošnija hady Papkoŭ adbyvaŭ pakarańnie ŭ kałonii dla asudžanych na pažyćciovaje pazbaŭleńnie voli ŭ Mardovii. Ciapier jaho etapavali ŭ Irkuck, bo mańjak pryznaŭsia ŭ zabojstvach, u jakich raniej nie byŭ abvinavačany.
— Jakaja ŭ vas mara? — spytaŭ u Papkova karespandent «Vieści. Irkuck».
— U armiju trapić. <…> Ja jašče mahu sumniavacca, nie sumniavacca. Heta pałova spravy. Ale mnie jašče nichto nie moža prapanavać. Kali svaju vajskova-ŭlikovuju śpiecyjalnaść uziać, to ja tak dumaju, što jana ciapier dastatkova zapatrabavanaja, choć ciapier, napeŭna, užo bolš sučasnaje heta ŭsio: radyjoelektronika i hetak dalej. Ale ja choć 10 hadoŭ u turmie znachodžusia, ahułam dumaju, što heta nie tak składana budzie chutka vyvučyć.