Mašyna biez kiroŭcy niekalki chvilin kružlała pa Baranavičach VIDEA
Incydent adbyŭsia 14 studzienia na vulicy Siaržanta ŭ Baranavičach.
15.01.2023 / 11:54
Skrynšot videa
Dziaŭčyna, jakaja dasłała ŭ redakcyju Intex-press videa niezvyčajnaha zdareńnia, raspaviała, što mašyna jeździła pa kole chvilin piać, kiroŭcy pobač nie było. Jak i čamu jana zrušyłasia i pajechała, dziaŭčyna nie bačyła.
«Kružyła mašyna, kiroŭcy nie było. Ludzi kryčali mašynam, kab nie jechali. Taki «kipiš» byŭ», — skazała dziaŭčyna.
Pa słovach haradžanki, vypadkovyja minaki sprabavali niejak spynić aŭtamabil, ale zmahli zrabić heta, tolki kali raźbili škło dźviarej kiroŭcy.
«My ŭžo kiroŭcu nie čakali. Ale, kali jechali dadomu prykładna praz hadzinu, na miescy pracavała DAI», — raspaviała dziaŭčyna.