Беларус захацеў абмяняць 10 мільёнаў расійскіх рублёў — грошы зніклі
Гэта здарэнне адбылося ў Маскве.
14.01.2023 / 14:12
Там грамадзянін Беларусі паспрабаваў абмяняць каля 10 млн расійскіх рублёў на даляры (каля 140 тысяч даляраў).
«Мужчына з дапамогай тэлеграма знайшоў абменны пункт на Трэцяй Цвярской-Ямской вуліцы, дзе яму абяцалі абмяняць амаль 10 млн рублёў на даляры па выгадным курсе. Ён аддаў грошы дзяўчыне-касіру, якая сказала, што адыдзе ў сховішча. Але яна не вярнулася», — паведамляе ТАСС са спасылкай на расійскую паліцыю.
Грошай мужчына не дачакаўся. Паліцыя праводзіць праверку.