Bresckaja vobłaść taksama ŭvodzić miascovy zbor za pierasiačeńnie miažy
Jak paviedamlajecca na Nacyjanalnym pravavym partale, u adpaviednaści z rašeńniem Bresckaha abłasnoha Savieta deputataŭ № 390 ad 30 śniežnia 2022 hoda, z 1 lutaha 2023 hoda na terytoryi Bresckaj vobłaści ŭvodzicca miascovy zbor za pierasiačeńnie transpartnymi srodkami dziaržaŭnaj miažy ŭ punktach propusku.
13.01.2023 / 18:32
Fota ilustracyjnaje
Zbor uvodzicca da 1 studzienia 2025 hoda, jahonaja staŭka składzie 1 bazavuju vieličyniu — 37 rubloŭ.
Ad vypłaty zboru ŭ bresckim rehijonie vyzvalajucca transpartnyja srodki, na jakich jeduć:
- asoby, jakija vyjazdžajuć paśla pachavańnia ŭ Biełarusi členaŭ siamji i blizkich svajakoŭ (pry najaŭnaści paćviardžalnych dakumientaŭ);
- inšaziemcy, jakija vyjazdžajuć paśla znachodžańnia ŭ sanatoryjach i zdraŭnicach Biełarusi (pry najaŭnaści paćviardžalnych dakumientaŭ);
- inšaziemcy i asoby biez hramadzianstva, jakija jeduć pa dakumientach, što paćviardžajuć stupień ciažaru i vyjaŭlenaści abciažarańniaŭ fizičnaj aktyŭnaści i ŭdziełu (75-100%);
- departavanyja ź Biełarusi asoby;
- inšaziemcy i asoby biez hramadzianstva, dla jakich ustanoŭleny biaźvizavy paradak ujezdu ŭ Biełaruś i vyjezdu ź jaje ŭ suviazi z praviadzieńniem Mižnarodnaha fiestyvalu mastactvaŭ «Słavianski bazar u Viciebsku», pry najaŭnaści aryhinalnych abo elektronnych biletaŭ na mierapryjemstvy;
- hramadzianie Biełarusi, jakija nakiroŭvajucca za jaje miežy dla atrymańnia miedycynskaj dapamohi (pry najaŭnaści dakumientaŭ).
Raniej paviedamlałasia pra ŭviadzieńnie anałahičnych zboraŭ u Viciebskaj i Hrodzienskaj abłaściach.