Vizu Poland. Business Harbour možna budzie adnavić u Polščy
Hramadzianie Biełarusi, jakija zakonna žyvuć na terytoryi Polščy i raniej mieli polskuju vizu pavodle prahramy Poland. Business Harbour, zmohuć padavać zajavu na atrymańnie novaj vizy. Pra heta paviedamiŭ vizavy partnior MZS Polščy — kampanija VFS. Global.
12.01.2023 / 21:07
Padavacca na vizu mohuć taksama členy siamji IT-śpiecyjalista, a mienavita muž/žonka i niepaŭnaletnija dzieci. Adnak kali ŭ zajaŭnika nie było takoj vizy ŭ pašparcie, to zajavu nie prymuć.
Viza takoha typu budzie davać mahčymaści, jakich niama ŭ zvyčajnaj humanitarnaj vizy — naprykład, prava na ažyćciaŭleńnie kamiercyjnaj dziejnaści. Apłata vizavaha zboru za jaje vydaču taksama nie praduhledžanaja, ale i jeździć pa joj u Biełaruś i nazad budzie ryzykoŭna — polskija ŭłady mohuć pryznać heta niametavym vykarystańniem vizy i anulavać jaje.
Zhodna sa źviestkami polskaha pamiežnaha kamiteta, pa vizie Poland Business Harbour u krainu ŭjechali 7,6 tysiač biełarusaŭ.