Беларускія турысты затрымаліся ў Дубаі з-за няспраўнасці самалёта
Беларускія турысты не змаглі вылецець з Дубая 12 студзеня рэйсам «Белавія» B2718, які мусіў даставіць іх у Мінск. Ім сказалі, што самалёт не вылеціць праз тэхнічныя непаладкі, паведамляе «Зеркало».
12.01.2023 / 19:08
Адзін з пасажыраў падзяліўся падрабязнасцямі:
«Сёння «Белавія» не паляцела з Дубая з-за паломкі, самалёт буксіравалі з паласы, высадзілі пасажыраў. Спачатку людзям паведамілі, што іх пакормяць па пасадачным талоне ў KFC, а потым сказалі, што адвязуць у гатэль. Мы хвалюемся».
У даведачнай Нацыянальнага аэрапорта «Мінск» журналісту Zerkalo.io як прыватнай асобе сказалі, што рэйс B2718 прыбудзе 13 студзеня ў 00:30. Прычыну затрымкі рэйса работнікі аэрапорта не ўдакладнілі, а прэс-служба «Белавія» на кантакт не пайшла.