Pradstaŭnik JeS: My publična nie abmiarkoŭvajem, čamu kahości niama ŭ sankcyjnych pakietach
U JeS prakamientavali infarmacyju, što Biełaruś nie ŭklučyli ŭ papiaredni pakiet sankcyj nibyta pa prośbie Ukrainy. Pradstaŭnik JeS pa źniešniepalityčnych pytańniach Pieter Stana, adkazvajučy na adpaviednaje pytańnie karespandentki Deutsche Welle ŭ Brusieli, praŭda, abyšoŭsia bolš ahulnymi słovami.
12.01.2023 / 17:44
Pieter Stana. Fota: euractiv.com
«My nie abmiarkoŭvajem publična detali, pracesy, a taksama pryčyny, pa jakich kaho-niebudź ci čaho-niebudź niama ŭ tym ci inšym pakiecie», — zajaviŭ Stana.
Pry hetym jon padkreśliŭ, što sankcyi, źviazanyja z ahresijaj Rasii suprać Ukrainy, pastajanna pierahladajucca.
«My budziem praciahvać adkazvać sankcyjami datul, pakul Rasija budzie praciahvać eskałacyju. My budziem praciahvać prymianiać sankcyi taksama ŭ dačynieńni da tych, chto dapamahaje i padtrymlivaje niezakonnyja dziejańni Rasii. Heta datyčyć Biełarusi, Irana, a taksama ludziej i arhanizacyj ź inšych krain, kali heta nieabchodna», — adznačyŭ pradstaŭnik JeS.
Pra toje, što Biełaruś nie ŭklučyli ŭ papiaredni pakiet sankcyj pa prośbie Ukrainy, paviedamiŭ karespandent «Radyjo Svaboda» ŭ Brusieli Rykard Joźviak. Jahonyja słovy ŭžo abvierhła MZS Ukrainy, jakoje zajaviła, što paviedamleńni nie adpaviadajuć rečaisnaści.