Biełaruski bank vypuściŭ pieršuju ŭ Biełarusi kartu dla žyvioł
Ličbavuju kartu «Łapki» možna biaspłatna zahruzić u mabilnym dadatku BNB-banka i tym samym stać donaram dabračynnaha fondu dla žyvioł. Hetaja karta prezientujecca jak pieršaja ŭ Biełarusi, jakaja dapamahaje kłapacicca pra svaich i čužych hadavancaŭ.
12.01.2023 / 17:12
Mabilnaja prahrama «Łapki» BNB-banka
«Kali vy budziecie joj karystacca, 1% ad sumy vašych apieracyj bank budzie pieraličvać na dabračynnaść, a mienavita ŭ fond SaveUs, — patłumačyŭ supracoŭnik addzialeńnia banka vydańniu Blizko.by. — Umoŭna kažučy, vy praviali apieracyju na 1000 rubloŭ, a 10 rubloŭ ad hetaj sumy bank pieravodzić u fond dla dapamohi žyviołam, u jakich pakul što niama doma.
Dabračynny fond SaveUs
Karystalnikaŭ karty, u jakich jość chatnija žyvioły, čakajuć pryjemnyja źnižki ŭ vieterynarnych centrach i klinikach, zoakramach i hatelach-bucikach dla sabak, hatelach dla katoŭ i kotak, a taksama ŭ pets-friendly ustanovach.
Adzin klijent banka moža adkryć adnu kartu na try hady. Dla hetaha nie treba iści ŭ addzialeńnie banka. Dastatkova tolki adkryć mabilny dadatak.
«My vypuścili kartu ŭ siaredzinie listapada 2022 hoda, tamu anałahaŭ u Biełarusi nie isnuje, ale i partniorskaja sietka praciahvaje raźvivacca. Mahčyma, źjaviacca hrumierskija sałony, bolš zoakram abo servisaŭ dla žyvioł», — havorać u banku.