Prezident Polščy ŭznaharodziŭ dziaržaŭnym miedalom historyka-biełarusa
U Polščy zaviaršajucca ŭračystaści z nahody 100-hoddzia adnaŭleńnia niezaležnaści hetaj krainy. 9 studzienia ŭ Varšavie prezident Polščy Andžej Duda ŭručyŭ admysłovyja miedali «Stahoddzie adnaŭleńnia niezaležnaści» 14-ci vydatnym asobam krainy. Siarod ich akazaŭsia i biełarus, piša «Radyjo Racyja».
09.01.2023 / 21:42
Aleh Łatyšonak — druhi źleva
Miedal «Stahoddzie adnaŭleńnia niezaležnaści» Andžej Duda ŭručyŭ udzielniku zmahańnia z kamunistyčnym režymam u časy «Salidarnaści», viadomamu historyku Alehu Łatyšonku.
Prafiesar Biełastockaha ŭniviersiteta Aleh Łatyšonak, jaki ŭ 1980-ja hady niekatory čas byŭ u kamunistyčnaj PNR palitviaźniem, šmat hadoŭ źjaŭlajecca adnym z matoraŭ biełaruskaha žyćcia ŭ Polščy. Jon uznačalvaje Biełaruskaje histaryčnaje tavarystva, źjaŭlajecca siabram inšych biełaruskich arhanizacyj, aŭtar šmatlikich daśledavańniaŭ na biełaruskuju tematyku, jakija nieadnarazova vydavalisia i ŭ Biełarusi.