U Biełaruś prybyŭ jašče adzin ešałon z rasijskaj vajskovaj technikaj
Učora, 8 studzienia, u 13:00 na čyhunačnuju stancyju Baranavičy-Paleskija prybyŭ ešałon z technikaj i asabovym składam Uzbrojenych sił Rasii, paviedamlaje telehram-kanał «Supolnaść biełaruskich čyhunačnikaŭ».
09.01.2023 / 18:05
Fota ilustracyjnaje. Skrynšot ź videa
Pavodle źviestak telehram-kanała, usiaho ŭ ešałonie było kala 30 vahonaŭ-płatformaŭ z technikaj, 2 hruzavyja vahony z bojeprypasami/ryštunkam i 2 pasažyrskija vahony z asabovym składam — kala 100 čałaviek.
Siarod techniki byli zaŭvažanyja hruzaviki KamAZ, BTR i BMP.
Viadoma, što ešałon byŭ adpraŭleny sa stancyi Zajcaŭka ŭ Varoniežskaj vobłaści 4 studzienia ŭ 17:30. Hetaja stancyja znachodzicca na pamiežžy z akupavanaj rasijanami častkaj Łuhanskaj vobłaści Ukrainy.