«Камунарка» выпусціла цукеркі без цукру
Мінская кандытарская фабрыка «Камунарка» прэзентавала лінейку пратэінавых цукерак, у якіх няма цукру, але ўтрымліваецца 22% пратэіну на 100 грамаў.
08.01.2023 / 17:20
Мяркуючы па паведамленні ў інстаграм-акаўнце фабрыкі, цукеркі ўжо прадаюцца ў фірмовых крамах Мінска. А на наступным тыдні іх павінны прадаваць па ўсёй Беларусі.
Як паказвае рэакцыя падпісчыкаў старонкі прадпрыемства ў інстаграме, спажыўцам гэтая ідэя падабаецца і яны новым прадуктам зацікавіліся.