Ukraina i Rasija čarhovy raz abmianialisia pałonnymi
Ofis prezidenta Ukrainy paćvierdziŭ abmien pałonnymi z Rasijaj.
08.01.2023 / 16:36
Va Ukrainu viarnulisia taksama 50 čałaviek — 33 aficery i 17 šarahoŭcaŭ i siaržantaŭ z USU, terabarony i inšych padraździaleńniaŭ, paviedamiŭ kiraŭnik Ofisa prezidenta Ukrainy Andrej Jarmak.
Siarod tych, chto viarnulisia, — pałonnyja z Čarnobylskaj AES, abaroncy Maryupala, a taksama bajcy z-pad Bachmuta, z Kijeŭskaj, Čarnihaŭskaj, Chiersonskaj abłaściej i ź inšych rehijonaŭ, dzie išli bai.
«Heta nie apošni abmien. Naša zadača — viarnuć usich našych ludziej, i my jaje vykanajem», — napisaŭ Andrej Jarmak.