У Мінску аўтамабіль знёс ліхтар: кіроўцу стала блага за рулём
Сёння ў Мінску 48-гадовы кіроўца аўтамабіля «Кіа», выязджаючы з АЗС, урэзаўся ў бардзюрны камень. Затым машыну вынесла на праезную частку вуліцы Скрыпнікава, дзе яна сутыкнулася з «Шэўрале».
08.01.2023 / 14:33
Ад удару «карэйца» развярнула, і ён, працягнуўшы рух, пратараніў асвятляльную мачту.
Папярэдне, прычынай аварыі стала дрэннае самаадчуванне кіроўцы: падчас руху ён страціў прытомнасць, паведамілі ў сталічнай ДАІ.