Praz hod uviaduć źmieny pa raźliku i apłacie balničnych
Z 1 studzienia 2024 hoda ŭviaduć źmieny, źviazanyja z vypłatami pa listkach niepracazdolnaści. Adna ź ich — minimalny pamier balničnych pryviažuć da pamieru minimalnaha zarobku, paviedamlaje Minpracy.
06.01.2023 / 12:55
Tak, z 2024 hoda minimalny pamier balničnych budzie raźličvacca z pamieru minimalnaj zarpłaty. Ciapier jon pryviazany da biudžetu pražytačnaha minimumu ŭ siarednim na dušu nasielnictva i składaje 50% ad hetaha pakazčyka (na siońnia heta 169,92 rubla).
Taksama čynoŭniki pavialičać pamier balničnych dla tych, chto pracuje bolš za 10 hadoŭ.
Dla hramadzian, jakija majuć staž pracy z vypłataj uznosaŭ u biudžet fondu 10 hadoŭ i bolš, balničny ź pieršaha dnia chvaroby budzie apłačvacca ŭ pamiery 100% stračanaha zarobku. Dla rabotnikaŭ sa stažam mienš za 10 hadoŭ balničny ź pieršaha dnia chvaroby budzie apłačvacca ŭ pamiery 80% stračanaha zarobku. Ciapier dapamoha pa časovaj niepracazdolnaści pieršyja 12 dzion pakryvaje 80% stračanaha zarobku, astatnija dni chvaroby — 100%.
Dla pracujučych hramadzian, jakija majuć prava na dapamohu ź pieršaha dnia ŭ pamiery kampiensacyi 100% stračanaha zarobku (dapamoha pa dohladu dziciaci, pa ciažarnaści i rodach i h. d.), padychody nie źmianilisia.
Jašče adna źmiena — pavieličeńnie pamieru siaredniadzionnaha zarobku dla raźliku balničnych. U raźlik buduć uklučać usie vypłaty, na jakija naličvajucca abaviazkovyja strachavyja ŭznosy ŭ biudžet fondu na sacstrachavańnie pa ŭsich pracadaŭcach (u tym liku byłych) u raźlikovym pieryjadzie.