Na ŭschodzie Biełarusi pačalisia pavodki — padtoplenyja masty i darohi
Rehijanalnaje vydańnie Mahiloŭ.media sabrała paviedamleńni ab razhule vodnaj stychii ŭ roznych častkach Mahiloŭskaj vobłaści. Pavodle vydańnia, u čatyroch rajonach vobłaści byli padtoplenyja masty i šerah aŭtamabilnych daroh.
05.01.2023 / 20:38
Jak paviedamili ŭ Ministerstvie nadzvyčajnych situacyj, u pieršyja dni novaha hoda ŭ Mahiloŭskaj vobłaści byli padtoplenyja dva nizkavodnyja masty ŭ Mścisłaŭskim i Čavuskim rajonach i čatyry ŭčastki daroh u Słaŭharadskim, Kaściukovickim, Kruhlanskim i Chocimskim rajonach.
U Kruhlanskim rajonie padtapleńnie ŭčastka darohi adbyłosia taksama pamiž vioskami Hrybina i Alaksandrava.
U vyniku pavyšeńnia ŭzroŭniu vady ŭ race Proni adbyłosia padtapleńnie ŭčastka aŭtamabilnaj darohi pamiž vioskami Laciahi i Ułuki Słaŭharadskaha rajona, a taksama padtapleńnie nizkavodnaha aŭtamabilnaha masta i ŭčastka aŭtamabilnaj darohi kala vioski Skvarsk Čavuskaha rajona.
Padtapleńnie ŭčastka hruntavoj darohi adbyłosia i kala ahraharadka Bachany Chocimskaha rajona pa pryčynie pavyšeńnia ŭzroŭniu vady ŭ race Biesiadzi. Praciahłaść učastka padtapleńnia składaje dziesiać mietraŭ, tamu prajezd pamiž vioskami Bachany, Juzefaŭka i Dubroŭka nie parušany. Prajezd transpartu mahčymy, žycciezabieśpiačeńnie nasielnictva nie parušana.