Darju Łosik pačnuć sudzić 18 studzienia
Spravu palitźniavolenaj Darji Łosik pačnuć razhladać 18 studzienia ŭ Bresckim abłasnym sudzie. Praces budzie vieści suddzia Mikałaj Hryharovič, paviedamlaje «Viasna».
04.01.2023 / 20:11
Pavodle materyjałaŭ spravy, Darja dała intervju «ekstremisckamu farmiravańniu» «Biełsat», «u jakim pazicyjanavała siabie jak žonku palitviaźnia. Jana dała asabistuju niehatyŭnuju adznaku dziaržaŭnym orhanam, da kampietencyi jakich adniesiena ažyćciaŭleńnie kryminalnaha pieraśledu i pravasuddzia. Pry hetym paviedamiła, što jaje muž nie ździajśniaŭ kryminalnych dziejańniaŭ i asudžany niezakonna. Zaklikała svajakoŭ inšych asudžanych uziać ź jaje prykład».
Dar‘iu Łosik, žonku palitviaźnia Ihara Łosika, zatrymali 18 kastryčnika. Błohier i žurnalist Ihar Łosik ciapier adbyvaje prysudžany jamu 15-hadovy termin u kałonii strohaha režymu. Dačka Ihara i Darji ciapier znachodzicca ŭ babuli ź dziadulem.