Vyznačyli novyja ceny na kamunalnyja pasłuhi dla nasielnictva
Urad vyznačyŭ dla biełarusaŭ novyja ceny na śviatło, ciapło i haz, paviedamlaje Nacyjanalny pravavy internet-partał. Jany ŭžo dziejničajuć z 1 studzienia.
04.01.2023 / 17:30
Z 1 studzienia da 31 maja taryfy na ciepłavuju enierhiju dla patreb aciapleńnia i haračaha vodazabieśpiačeńnia źmienienyja z 21,9245 na 24,7187 rubla za 1 Hkał. Cana 1 kub. mietra pryrodnaha hazu ŭ kvaterach i damach ź ličylnikami hazu składzie pry:
- najaŭnaści indyvidualnych hazavych aciaplalnych pryboraŭ — 0,1993 rubla z 1 studzienia pa 31 maja, 0,2062 rubla z 1 červienia pa 31 śniežnia;
- adsutnaści indyvidualnych hazavych aciaplalnych pryboraŭ — 0,5477 rubla.
U kvaterach bieź ličylnikaŭ hazu płata budzie spahaniacca z adnaho žychara ŭ miesiac u nastupnych pamierach pry najaŭnaści:
- hazavaj plity i centralizavanaha haračaha vodazabieśpiačeńnia abo indyvidualnaha vodanahravalnika (za vyklučeńniem hazavaha) — 4,38 rubla;
- hazavaj plity i indyvidualnaha hazavaha vodanahravalnika (pry adsutnaści centralizavanaha haračaha vodazabieśpiačeńnia) — 12,6 rubla;
- hazavaj plity i adsutnaści centralizavanaha haračaha vodazabieśpiačeńnia i indyvidualnaha hazavaha vodanahravalnika — 7,12 rubla;
- indyvidualnych hazavych aciaplalnych pryboraŭ (za 1 kv. mietr ahulnaj płoščy žyłoha pamiaškańnia ŭ miesiac) u aciaplalny pieryjad — 0,6872 rubla, u letni pieryjad — 0,2577 rubla.
Košt bałona zvadkavanaha hazu vahoj 21 kh u miežach normaŭ spažyvańnia składzie 1,05 rubla za 1 kh abo 22,05 rubla za bałon.
Košt elektraenierhii ŭ žyłych damach pa adnastavačnym taryfie składzie 0,209 rubla za 1 kVt∙h dla damoŭ z elektraplitami i 0,2459 rubla za 1 kVt∙h — dla inšych damoŭ.
Taksama ŭstanoŭlenyja taryfy dla damoŭ, u jakich elektryčnaja enierhija vykarystoŭvajecca dla aciapleńnia i haračaha vodazabieśpiačeńnia, i dyfierencyjavanyja taryfy pa dvuch i troch časavych pieryjadach.