Hałoŭny ŭkrainski raźviedčyk: Ukraina płanuje na viasnu vialikaje nastupleńnie
Kiraŭnik Hałoŭnaha ŭpraŭleńnia raźviedki Ukrainy Kiryła Budanaŭ u intervju vydańniu ABC News paviedamiŭ, što Ukraina na viasnu płanuje bujnoje nastupleńnie, a samyja mocnyja bai čakajucca ŭ sakaviku, piša «Ukrainskaja praŭda».
04.01.2023 / 17:14
Kiryła Budanaŭ. Fota: Dźmitryj Łaryn / «Ukrainskaja praŭda»
Pa słovach Budanava, nastupleńnie «budzie adbyvacca pa ŭsioj terytoryi Ukrainy, ad Kryma da Danbasa».
«Naša meta, i my jaje dasiahniem, — viartańnie da miežaŭ 1991 hoda, takoj, jakoj Ukrainu pryznajuć usie subjekty mižnarodnaha prava», — padkreśliŭ načalnik ukrainskaha HUR.
Budanaŭ nie vyklučyŭ taksama dalejšych udaraŭ pa terytoryi Rasii, adnak nie ŭdakładniŭ, chto za imi budzie stajać. Jon dadaŭ, što ataki buduć adbyvacca «ŭsio hłybiej i hłybiej» unutry Rasii, ale zmoža prakamientavać, chto hetyja ŭdary nanosiŭ, tolki paśla zakančeńnia vajny.