Cana hazu ŭ Jeŭropie ŭpała nižej za 800 dalaraŭ
Kaciroŭki hazavych kantraktaŭ na biržavych placoŭkach Jeŭropy pa vynikach tarhoŭ u aŭtorak, 3 studzienia, stracili kala 10%, źniziŭšysia da adznaki 773 dalaraŭ za 1000 kubamietraŭ. Takija, u pryvatnaści, danyja Łondanskaj biržy ICE.
03.01.2023 / 23:53
Fota: forbes.ua
Lutaŭskija fjučarsy pa indeksie niderłandskaha chaba TTF adkryli tarhi ranicaj z adznaki 870 dalaraŭ za 1000 kubamietraŭ (plus 2,4%). Heta maksimalnyja značeńni handlovaha dnia. A minimum byŭ dasiahnuty na zakryćci handlovaj siesii — 773 dalary.
Analityki źviartajuć uvahu na toje, što ŭ ES ustalavałasia anamalna ciopłaje nadvorje. Całkam viasnovyja 10-15 °S pratrymajucca ŭ rehijonie jak minimum da siaredziny studzienia. Pry hetym vietrahienieracyja zaraz vyjšła na maksimalnuju dolu ŭ enierhabałansie — na ŭzroŭni kala 34%.
Raniej paviedamlałasia, što apošni raz cenavy minimum byŭ dasiahnuty 28 śniežnia 2022 hoda, kali biržavyja ceny na haz u Jeŭropie apuścilisia da 837 dalaraŭ za 1000 kubamietraŭ.