U Mahilovie laśnictvy adkryli kramu nie dziela hrošaj, a dla vykanańnia daručeńnia ŭrada
Ministerstva lasnoj haspadarki ŭstupiła ŭ bitvu z pryvatnym biznesam u halinie realizacyi praduktaŭ drevaapracoŭki. U Mahilovie na vulicy Pysina adkryŭsia pieršy handlovy abjekt, u jakim budzie pradukcyja z 13 lashasaŭ Mahiloŭščyny — krokviennyja sistemy, doški dla padłoh, vahonka, pasadačny materyjał, doški dla płotu, vyraby z dreva i navat kołatyja drovy, piša Mahiloŭ.Media.
03.01.2023 / 18:02
Pa słovach hienieralnaha dyrektara Mahiloŭskaha dziaržaŭnaha vytvorčaha lesahaspadarčaha abjadnańnia Siarhieja Maksimoviča, hetaja handlovaja sietka «budzie sadziejničać nasyčeńniu ŭnutranaha rynku lesa– i piłapradukcyjaj, nasielnictvu prapanujuć poŭny asartymient pradukcyi, nieabchodnaj dla budaŭnictva, a adnoj z umoŭ funkcyjanavańnia abjekta stanie cenavaja dastupnaść».
«My nie pryjšli zarablać tut vialikich hrošaj, nam treba stabilnaja realizacyja našaj pradukcyi pavodle daručeńnia ŭrada»,
— prakamientavaŭ adkryćcio abjekta Uładzimir Kasiankoŭ, dyrektar Kličaŭskaha lashasa, jaki i adkryŭ kramu ŭ Mahilovie.
Kasiankoŭ zajaviŭ, što tavar na abjekcie budzie jak minimum na 20% tańniejšy, čym na inšych placoŭkach, a rentabielnaść tavaraŭ, što buduć realizoŭvacca, nie pieravysić 5 pracentaŭ.