Abmien z RF: Ukraina viarnuła pitbula z «Azoŭstali», jakoha addavali Kadyravu
Padčas abmienu ŭ subotu, u chodzie jakoha Ukrainie ŭdałosia viarnuć 140 pałonnych, taksama viernuty sabaka, jaki byŭ evakuiravany z «Azoŭstali».
31.12.2022 / 20:42
Sabaka byŭ evakuiravany z «Azoŭstali» razam z abaroncami Maryupala, ale zatym jaho vyvieźli ŭ Rasiju.
U červieni rasijskaje ahienctva RIA Naviny paviedamiła, što vałancior z Razani Juryj Kavanaŭ pieradaŭ kiraŭniku Čačni Ramzanu Kadyravu vyratavanaha z terytoryi zavoda «Azoŭstal» u Maryupali pitbula.
«Adydas, raniej jaho zvali Adolf. Jon byŭ na «Azoŭstali», dva miesiacy ŭ katakombach razam z haspadarom. U momant zdačy ŭ pałon jaho pieradali śpiecyjalnym słužbam, jakija ŭžo źviazalisia sa mnoj z prośbaj zabrać jaho i znajści novuju siamju», — raspaviadaŭ vałancior.