Eks-lidarku Mjanmy Aun San Su Čžy prysudzili jašče da siami hadoŭ turmy
Sud u Mjanmie prysudziŭ eks-dziarždaradcu krainy Aun San Su Čžy jašče da siami hadoŭ źniavoleńnia. Ahułam 77-hadovaja lidarka apazicyjnaj «Nacyjanalnaj lihi za demakratyju» pavinna budzie pravieści ŭ turmie 33 hady.
31.12.2022 / 12:09
Aun San Su Čžy. Fota: AP
U apošniaj — užo 15-j — spravie suprać Aun San Su Čžy łaŭreatku Nobieleŭskaj premii miru znoŭ abvinavacili ŭ karupcyi, a mienavita ŭ kupli viertalota dla akazańnia dapamohi ŭ rajonach stychijnych biedstvaŭ i jaho vykarystańni nibyta ŭ asabistych metach. Sudovy praces byŭ całkam zakryty dla publiki, a pra vierdykt infarmahienctvam raspaviała ananimnaja krynica.
Aun San Su Čžy, jakaja da lutaha 2021 hoda była de-fakta kiraŭnikom Mjanmy, straciła ŭładu ŭ vyniku pieravarotu, kali vajennaja chunta zrynuła hramadzianski ŭrad. Paplečniki Aun San Su Čžy i niezaležnyja ekśpierty zajaŭlajuć, što sudovyja spravy suprać eks-lidarki krainy palityčna matyvavanyja, kab uzakonić zachop ułady vajskoŭcami, paviedamlaje Euronews.