«Reč nie ŭ hramadzianstvie, a ŭ pavodzinach kłijenta». Bank of Georgia daŭ aficyjny kamientar adnosna zakryćcia rachunkaŭ biełarusaŭ i rasijan
23 śniežnia ŭ siecivie stali źjaŭlacca paviedamleńni ab błakavańni i prymusovym zakryćci rachunkaŭ hramadzian Biełarusi i Rasii ŭ adnym z najbujniejšych kamiercyjnych bankaŭ Hruzii Bank of Georgia. Pakul bank nie davaŭ aficyjnych tłumačeńniaŭ, karystalniki schilalisia da viersii błakavańnia hetych rachunkaŭ z-za apieracyj z kryptavalutami. Siońnia źjaviŭsia i aficyjny kamientar banka.
28.12.2022 / 23:19
Aryhinalny budynak centralnaha ofisa Bank of Georgia ŭ Tbilisi
U aficyjnym kamientary Bank of Georgia rastłumačyŭ, što rašeńnie ab zakryćci rachunkaŭ źviazana ź niezvyčajnymi pavodzinami kłijentaŭ, a nie ź ich hramadzianstvam.
«My chacieli b padkreślić, što rašeńnie nie zasnavana na hramadzianstvie, jano źviazana ź niezvyčajnaj abo ryzykoŭnaj dziejnaściu / pavodzinami kłijenta. U pryvatnaści, kali ŭlikovy zapis vykarystoŭvajecca dla tranzitnych metaŭ abo źjaŭlajecca nieaktyŭnym ulikovym zapisam».
U banku taksama tłumačać, što Zakon ab kamiercyjnych bankach Hruzii dazvalaje admaŭlać kłijentam u adkryćci rachunkaŭ, ich absłuhoŭvańni abo zakryvać rachunki biez tłumačeńnia pryčyn. Heta rašeńnie prymajecca na padstavie ŭnutranaj palityki banka i hruntujecca na takich paramietrach, jak kłasifikacyja krain z vysokim uzroŭniem ryzyki, spadarožnaja ryzyka i inšaje.
Pry hetym toje, što siarod tych, čyje bankaŭskija rachunki byli zakrytyja bankam, akazałasia nadta šmat biełarusaŭ, nie pacviardžajecca.