Łukašenkaŭcy znoŭ prapanavali Minsk jak placoŭku dla pieramoŭ pa Ukrainie
Aficyjnyja pradstaŭniki režymu Łukašenki znoŭ zajaŭlajuć, što bačać Biełaruś jak placoŭku dla pieramoŭ pa Ukrainie. Pra heta skazaŭ namieśnik ministra zamiežnych spraŭ Ihar Nazaruk, jakoha cytuje «Biełaruś siehodnia».
28.12.2022 / 18:16
«Minsk nieadnarazova vykonvaŭ vysakarodnuju misiju być miescam dla pieramoŭ, dla vyrašeńnia vielmi surjoznych kanfliktnych situacyj. My i zaraz prapanujem siabie ŭ takoj jakaści, heta niadaŭna pacvierdzili pradstaŭniki Vatykana».
Taksama Nazaruk vykazaŭ niezadavalnieńnie tym, što aficyjny Kijeŭ apošnim časam skasavaŭ 20 raniejšych damoŭ ź Biełaruśsiu.
«Na žal, kiraŭnictva Ukrainy vybrała nie toj šlach. Heta kurs na dehradacyju našych adnosin, na demantaž našaha pravavoha pola», — ličyć Nazaruk.
Jon skazaŭ, što ŭsie dziejańni ŭkrainskaha boku pa vychadzie z pahadnieńniaŭ, zaklučanych ź biełaruskim bokam, robiacca ŭ adnabakovym paradku.
«Lohka abarvać suviazi. Vielmi składana ich potym naładžvać», — dadaŭ jon, zajaviŭšy, što «Biełaruś zaŭsiody źjaŭlałasia klučavym elemientam na jeŭrapiejskaj karcie biaśpieki».