U sercy Vilni stvaryli skulpturu vaŭka. Jon achoŭvaje horad FOTAFAKT
Praŭda, voŭk nie žalezny, jak havorycca ŭ lehiendzie, a zrobleny sa śniehu.
28.12.2022 / 09:15
Fota: Delfi.lt
Kiraŭnik Ratušnaj płoščy Vilni Pierlis Vajsieta skazaŭ, što prajekt byŭ zadumany jašče da paciapleńnia i ad jaho vyrašyli nie admaŭlacca, niahledziačy na doždž i plusavuju tempieraturu, piša Delfi.lt.
«Nad idejaj pracavali niekalki čałaviek. Jany stvaryli skulpturu śniežnaha vaŭka, jaki hladzić u zornaje nieba i achoŭvaje Vilniu», — skazaŭ Vajsieta.
Sioleta na Ratušnaj płoščy nie stavili jełku, tamu i źjaviłasia ideja padaryć vilencam śviatočny nastroj. Zadumvalisia i inšyja skulptury, ale z-za paciapleńnia jany nie źjaviacca. U stvareńni śniežnych instalacyj na Ratušnaj płoščy ŭdzielničali taksama dzietsadaŭcy i školniki.
U studzieni Vilnia budzie adznačać 700-hoddzie. Mienavita žalezny voŭk pryśniŭsia Hiedyminu, jaki i zasnavaŭ horad u 1323 hodzie.