У расійскім Падольску сям'я пенсіянераў падпаліла ваенкамат
У Падольску пара пенсіянераў падпаліла будынак ваенкамата. Іх адразу затрымалі, а ўзгаранне патушылі, піша «Пад'ём».
28.12.2022 / 08:46
70-гадовы мужчына прынёс з сабой каністру бензіну, намачыў анучу, падпаліў яе і паклаў на акно. Яго 76-гадовая жонка здымала на відэа.
Падпальшчыкаў адразу затрымалі, узгаранне патушылі, ніхто не пацярпеў. Пры гэтым мужчына не спыніў свае дзеянні, нават калі да месца здарэння прыехала паліцыя.
Раней у горадзе затрымалі васьмярых мабілізаваных, якіх назвалі дэзерцірамі — яны са зброяй пакінулі тэрыторыю пад Луганскам і збіраліся ехаць у Калінінградскую вобласць, але дабраліся толькі да Падмаскоўя, дзе здалі паліцыі свой арсенал: тры АК-74 і чатыры кулямёты Калашнікава.