Расія адказала на столь цэнаў на нафту забаронай на яе пастаўкі
Пуцін падпісаў указ аб мерах у адказ на ўвядзенне столі цэнаў на расійскую нафту.
27.12.2022 / 19:35
Нафтаправод «Дружба» ў Польшчы. Фота: Sven Kaestner, File / AP Photo
Згодна з гэтым указам, Расія спыняе пастаўкі нафты краінам, якія далучыліся да цэнавага эмбарга. Указ будзе дзейнічаць да 1 ліпеня 2023 года.
У пачатку снежня заходнія краіны вызначылі столь цэнаў на расійскую нафту на ўзроўні 60 даляраў за барэль. За першы тыдзень дзеяння эмбарга экспарт нафты з Расіі ўпаў на 54%.