U śpis samych pierśpiektyŭnych hulcoŭ śvietu ŭvajšli dva biełaruskija futbalisty
Dva biełaruskija futbalisty, jakija vystupajuć u nacyjanalnym čempijanacie, uklučanyja ŭ rejtynh samych pierśpiektyŭnych hulcoŭ śvietu, składzieny Mižnarodnym centram spartyŭnych daśledavańniaŭ (CIES). Havorka pra bramnika barysaŭskaha «BATE» Andreja Kudraŭca i paŭabaroncu Andreja Ryłača, jaki pierajšoŭ u minskaje «Dynama» z «Enierhietyka-BDU».
27.12.2022 / 18:33
Andrej Kudraviec
U rejtynh uklučanyja 200 hulcoŭ z usiaho śvietu — pa 10 najlepšych na kožnaj z 20 hulniavych pazicyj.
Havorka idzie vyklučna pra futbalistaŭ, jakija naradzilisia paśla 1 studzienia 2002 hoda i nazapasili najbolšy vopyt u aficyjnych matčach, zhulanych na darosłych spabornictvach. Uličvalisia hulniavy čas, praviedzieny spartśmienam na pole, spabornicki ŭzrovień turniru i vyniki futbalista.
Andrej Kudraviec zaniaŭ 5-je miesca siarod samych pierśpiektyŭnych bramnikaŭ. Najlepšym u hetaj naminacyi staŭ Maarten Vandevoort ź bielhijskaha «Hienka». Andrej Ryłač — 7-my ŭ śpisie samych pierśpiektyŭnych atakujučych paŭabaroncaŭ śvietu. Lidaram tut staŭ Kieniet Tejłar z amsterdamskaha «Aiaksa».