Брытанская разведка: Расія перакінула ў Беларусь частку сіл са складу гвардзейскай танкавай арміі
У аглядзе Мінабароны Вялікабрытаніі ад 27 снежня сцвярджаецца, што Расія нядаўна перакінула ў Беларусь частку падраздзяленняў, якія ўваходзяць у склад 1-й гвардзейскай танкавай арміі.
27.12.2022 / 12:51
«Элементы 1-й расійскай гвардзейскай танкавай арміі, верагодна, былі сярод расійскіх сіл, якія нядаўна перакінулі ў Беларусь. Гэта фарміраванне, напэўна, праходзіла навучанне перад разгортваннем. Малаверагодна, што ў яго ёсць падраздзяленні падтрымкі, неабходныя для прывядзення ў баявую гатоўнасць», — адзначае разведка.
У аглядзе расказваюць таксама, што апошнія двое сутак актыўныя баявыя дзеянні сканцэнтраваныя пераважна вакол Бахмута і ў раёне Сватава. «Расія працягвае частыя дробныя атакі, але з рук у рукі пераходзіла вельмі нязначная тэрыторыя», — дадаюць у паведамленні.