ДАІ папярэдзіла пра моцны туман
Сталічная ДАІ паведамляе, што з-за моцнага туману абцяжарана бачнасць на дарогах.
27.12.2022 / 08:35
У сувязі з гэтым Дзяржаўтаінспекцыя рэкамендуе ўсім удзельнікам дарожнага руху быць вельмі ўважлівымі і асцярожнымі на дарозе.
У ДАІ заклікаюць выконваць дыстанцыю і бакавы інтэрвал, пазбягаць рэзкіх манеўраў і тармажэнняў.
Асаблівую ўвагу варта надаваць пад'ездам да пешаходных пераходаў.
А саміх пешаходаў заклікаюць праяўляць асаблівую ўвагу пры пераходзе праезнай часткі і абазначаць сябе флікерамі.