Stała viadoma, jaki «chamut na šyju» znajšli dla Mikałaja Ładućki
Były dyrektar minskaha zavoda «Motavieła» Mikałaj Ładućka straciŭ pasadu paśla taho, jak sioleta ŭ žniŭni jamu zrabiŭ raznos padčas naviedvańnia pradpryjemstva sam Łukašenka. Ciapier stała viadoma, kudy jaho pryznačyli.
26.12.2022 / 18:00
Ładućka pakazvaje Łukašenku matacykł, jaki paśla vyklikaŭ hnieŭ palityka
Padčas vizitu Łukašenki na zavod «Motavieła» jamu prademanstravali matacykł «svajho dyzajnu», jaki akazaŭsia francuzskim matacykłam, sabranym u Kitai. Łukašenka tady zajaviŭ, što choča pryznačyć na motaviełazavod maładoha hiendyrektara, a dla Mikałaja Ładućki znajści novuju pasadu.
Mikałaj Ładućka ŭznačalvaŭ motaviełazavod z 2015 hoda, a da taho z 2009-ha pa 2014-ty byŭ staršynioj Minskaha harvykankama.
«Treba šukać maładoha chutkaha dyrektara. A jamu znajści piensijnuju pasadu, ale taksama chamut na šyju. Słuchaj, niaŭžo ty nie razumieješ, u čym pryčyna tut. Pryčyna ŭ tym, što tut pavolna varušyciesia. A jon [Ładućka] užo nie moža i nie choča. Nu navošta jamu?» — zajaviŭ Łukašenka, faktyčna adpraŭlajučy Ładućku ŭ adstaŭku.
Nie ŭratavała byłoha dyrektara navat videa, dzie Ładućka, publična prynižajučysia, havaryŭ, što krytyka Łukašenki heta «nie krytyka, a baćkoŭskaje słova».
Ciapier stała viadoma, u što ŭvasobiŭsia abiacany Łukašenkam «chamut na šyju». Im dla 63-hadovaha Ładućki stała ścipłaja pasada pieršaha namieśnika kamunalnaha budaŭniča-ekspłuatacyjnaha ŭnitarnaha pradpryjemstva «Minskaja cpadčyna».
Pasada, vidać, «niapylnaja», ale jaŭna nie adpaviednaja statusu byłoha kiraŭnika ŭsiaho horada, a tamu prynižalnaja.