Hałoŭčanka raskazaŭ pra źnižeńnie VUP na 4 %
Asnoŭnaj zadačaj sioleta było zrabić tak, kab «kraina nie zaŭvažyła sankcyi». Pra heta zajaviŭ premjer-ministr Raman Hałoŭčanka.
26.12.2022 / 12:32
«$21 młrd — heta taja častka VUP, jakaja była pastaŭlena pad pahrozu. A heta tracina faktyčna našaha vałavoha ŭnutranaha praduktu. Treba było pracavać tak, kab kraina nie zaŭvažyła sankcyi, — skazaŭ premjer-ministr. — Atrymałasia heta ci nie, nie nam aceńvać. Ale šmat u čym atrymałasia. Kažu pra heta z aporaj na apieratyŭnyja danyja. Budzie naminalnaje skaračeńnie VUP. Napeŭna, kala 96% my pracujem krychu nižej, čym u Rasijskaj Fiederacyi. Choć maštab sankcyj supastaŭny».
Tym nie mienš prahnazavanaje źnižeńnie VUP na 4% pa vynikach hoda — mienšaje za toje, na jakoje raźličvali tyja, chto ŭvodziŭ sankcyi, — až da 20%, padkreśliŭ Hałoŭčanka.
A na 2023 hod prahnazujecca rost VUP Biełarusi na 3,8%.
Aficyjnaja statystyka ŭ łukašenkaŭskaj Biełarusi časta byvaje padmannaj, a prahnozy adroźnivajucca ad fakta.